 |
Надгробное слово Григорія Цамблака Россійскому Архіепископу Кипріяну
Архимандритъ Леонидъ
Повременное изданіе О. М. Бодянскаго. «Чтенiя въ Императорскомъ Обществѣ Исторiи и Древностей Россiйскихъ при Московскомъ Университетѣ», М., 1872 г., І кн., с. 25-32 Генварь-Мартъ. 1872
Сканы в .pdf формате (0.6 Мб) с www.runivers.ru |
 |
Надгробное слово Григорія Цамблака Россійскому Архіепископу Кипріяну
ГРИГОРІА МНИХА И ПРЕЗВѴТЕРА, ИГУМЕНА ОБИТЕЛИ ПЛИНАИРЬСКЫА, [1] НАДГРОБНОЕ ИЖЕ ВО СВЯТЫХЪ ПО ИСТИННЪ КѴПРІАНУ, АРХИЕПИСКОПУ РОССІЙСКОМУ.
Настояніе убо и сіе намъ пострадати, о друзи, еже пострадахомъ, его же отъ скорбныхъ мню ничто ж ино лютѣише; что бо и будет ино отъ иже печалію касающихся сердцю, таковыа тъщеты равно? Не бо имѣніемъ отъятие, не славы, не села, или стяжаніа, не стада, или чреды, не отечества, не домовъ и сродникъ, или сусѣдствуюіцихъ, но самаго отца отъятіе пострадахомъ, а отца такова, его же не вѣмъ которымъ слова указомъ слышащимъ представлю: яко жъ бо въ добродѣтели бяше несточнѣваемъ [2] блаженный Кѵпріянъ, тако и въ словесныхъ указаніяхъ непреудоблеваемъ; [3] его жъ убо наше отечество изнесе, [4] вамъ жь того Богъ дарова; его жь вы на мнозѣ наслаждастеся, мы же лишихомся; имъ же вы красуястеся, мы жь того желаниемъ истаевахомъ; имъ же вы преспѣвасте, растуще въ заповѣдехъ Господнихъ, и мы, того писаниемъ подвигшесь, тщахомся достигнути вашея (страны), яко да пастыря узримъ о стадѣ пекущася и отца о чадѣхъ веселящася; но о якова въ мѣсто яковыхъ устрѣтоша
1. Полагаемъ, что подъ этимъ названіемъ надобно разуметь нынѣшнюю Вознесенскую Нямецкую Молдо-Влахійскую Лавру, Настоятелемъ которой, какъ извѣстно, былъ Григорій Цамблакъ въ послѣдніе годы предъ отъѣздомъ своихъ въ Литовскую Русь.
2. То есть, точнымъ ему явиться трудно въ добродѣтели.
3. Думаемъ, что надобно читать непріудоблеваемъ, то есть, трудно ему уподобиться.
4. Разумѣется Болгарія столицу которой, Терновъ, далѣе проповѣдникъ называетъ отечествомъ М. Кѵпріана и своимъ.
26
насъ, отъ ненадежна гласа, стрѣлѣ подобно коснувшагося сердцю. О ядъ раствореннаго возвѣщеніа, сквозѣ уши воотьявшагося во внутреняа! И понеже радости вашей не быхомъ спричастницы, всяко ако скорбемъ достоини, вамъ жь и намъ отца печяли предложись трапеза и питие съ плачемъ растворись; ибо другаго Іосиѳа лишихомся, его жь препитаніе не пшеницею бяше, но словомъ учительства и нрава благодатію, его жь цѣломудріе не по оному, но многъ высочайше, и не до того стану [5] и инымъ преподаде; сице бо мужа показа естество, яко не свое вмѣнити держаще благо, аще ні иныхъ причастникы тому устроить.
Како бо хотяше великъ обрѣстись въ царствіи небеснемъ, сотворивъ токмо, а не научивъ, и понеже толико Патріарха Іякова плакашесь Егѵптяне, языкъ иноязычнаго и племя иноплеменнаго, ако и на семдесятъ дніе плачю протягнутись, и сего ради иже окрестъ языкомъ явлену быти, тѣхъ еже къ мужу усеръдиу и воадаанію чести, ея жъ должни бяху о таковомъ мужи, съ ним же бѣ Богъ, како мы не плачемся, толикаго и таковаго добра, не учителя токмо, но и родителя, ижъ благодатію Пресвятаго Духа васъ породи, воспита жъ Евангеліемъ, наказа же учениемъ отеческимъ, упремудри господним страхомъ, огради отвсюду молитвенымъ дѣйствомъ, и проявленными васъ створи и желателными всѣмъ человѣкомъ. Сего ради и мы желаемъ васъ нынѣ паче неж первіе; слышахомъ бо ваше еже къ святому любленіе, яко не токмо дондеже живъ бяше въ того сердци хрыастеся мыслено, но и по смерти, святѣй того души ваша сердца прилѣплена суть, и того блаженнѣи памяти вашая спребывають разумѣніа. Блаженъ убо онъ, яко такову лобовь изостави всѣмъ вамъ, якову нѣсть въ человѣцехъ нынѣ обрести; блажени и вы, яко сію пріемши сохранясте совершену, и не доздѣ токмо, но и уживати [6] тщатесь, яко чада отцелюбнаа, не двоихъ, или тріехъ, годъ ижъ преидоша, но и простертію лѣтнему съпротяжется и ваше ко отцю любленіе. Сего бо ради вожделѣненъ онъ, яко таковы сынове роди, вожделѣнны жь и вы, яко такова сподобистеся имѣти отца; доблественъ корень и чюденъ, но и плоди корени достойни; ибо яко жъ нѣкій корень чюденъ, въ нѣдрахъ крыющься земля,
5. И на томъ не остановился.
6. Употреблять, пользоваться.
27
той убо не дивиться, ради ж плодовъ своея добродѣтели крѣпость показуетъ, сице и блаженный Кѵпріанъ въ гробе сокровенъ, тъ убо нашима очима телесныма незримъ есть, ради же васъ, плодовъ своея благодати, крѣпость показуетъ. И больше вы отъ насъ явистеся: вамъ бо, яко достойнымъ, даетсь, отъ насъ же, яко отъ недостойныхъ, отьятся, и отънелѣ же васъ духомъ породи, того вы видѣніа никако жъ оскудѣсте, мы жъ святаго оного лица вмалѣ сподобихомся видѣти, отроческый еще носяща возрастъ, абіе жъ отъ насъ отьиде, и старости насъ постигши, не къ тому того видѣхомъ, а что виновное сему, яко да нынѣ рыданіе иного о немъ уплождаваемъ, и страсти утѣшеніа ни откуду же имѣемъ. Вѣсте жъ и вы, возлюбленніи, егда великое сіе видѣхомъ сокровище, и да отчасти о томъ воспомянемъ вамъ: суть бо оттоли до тридесять нѣгдѣ лѣтъ, егда отъ васъ воздвигся, къ великому сему и царици градовомъ грядяаше; подъвижааше бо пастыря любление, долготу ни во что жъ вмѣнити, и нѣкій языкъ проходящи, ижъ Истру [7] рѣцѣ спротяжущи, искушенія святаго срѣтиша и многою скорбію того обложиша; обычно бо Господеви святымъ таковаа попущати смотрительнѣ, яко да они убо страждуще, проявленнѣйше бываютъ, тогова же божественнаа сила въ тѣхъ немощи свершается, яко жъ ко Іову первіе: «Мниши ли мя инако ти сотворша, но яко да проявишися праведенъ;» и къ Павлу второе: «сила бо моя въ немощи свершается;» и яко жъ уже близъ бысть къ намъ грядый, тогда церкви, яжъ насъ воспитавшіе и наказавши, съ рожьденіимъ насъ отцемъ и учителемъ зѣльнымъ, [8] срѣте, воспріемлющи свѣтлостію блаженнаго, цѣловающи, обьемлющи, печальная радостными отгонящи, студъ ограблениа подобающею частью забвенію отсылающи. По неже бо Богъ на пути тому оскорбитись попусти, благоволи тому во отечествіи тако прославитись и утѣшити того желающая сердца, и самому исполнитись неизглаголанныа радости, видѣвшу свое отечество тако правимо, яко многымъ похваламъ достойно [9]
7. Дуная.
8. Здѣсь разумѣется родичъ св. Кѵпріана, блаженный Евѳимій, Патріархъ Терновскій.
9. Посѣщеніе Кѵпріаномъ Тернова относится къ 1379 году; слѣдовательно, произошло оное всего за 10 лѣть до его плѣна и разоренія Болгарской столицы Турками.
28
бяше, своего жь и великаго Евѳимія, таковая кормленіа дръжаща, и стѣщись отъ жители града, яко жъ нѣкоторій быстринѣ, напрасно множству притекшю того стрѣтенію: не жена восхотѣ отъ видѣниа престати, не мужъ убогъ, или богатъ: оставиша хранилища домовъ хранителіе, не затворена убо бѣша купцемъ продавница, [10] помѣтахужесь на торжищу продаемаа, едино жъ храненіе всѣмъ и утвержение, еже всѣмъ купно изыти и никому жъ отнудь остати во градѣ; оставиша раби вдадыкоугожденіа, остивиша художницы своя дѣла, и елико чюждое народа, и елико мѣстное, тамо идяше, Кѵприана видѣти; тако жь и дѣва неисходнаа, студъ преобидѣвши, течааше; и старъ и недуженъ, немощь понудивше, тамо тщахуся; ибо велика сладость бяаше, ежъ святаго лица воспріати онаго (видѣніе). Нѣ бо токмо уча, или вѣщаа, но и зримъ, просто достоинъ бѣ всякоа добродѣтели ученіе въ зрящихъ душа вселиті, и овы убо близь грѣдааху, и ногамъ касаахуся, и руку целоваху, овіи же, отъ множства возбраняеми, издалечя того зря точію, яко довольно приемъше благословение, и ничто жь меньше отъ иже близь бывшихъ имѣвше, сице со всяцѣмъ извѣщениемъ отхождааху, жены умильно припадающе, своя чада подъ ногама его помѣтааху вѣрою, и недугующіихъ друзіи, и явлено бяху всѣмъ Богомъ послано врачество непъщующе, и освященіе сладкое оно святаго вхождение, и еда нѣ по корагождо вѣрѣ благодать дѣйствуаше, и паче въ лѣпоту; [11] яжъ бо во апостолѣхъ дѣйствовавшія сила, и тогда, ради благословенія онаго, осващеваше вѣрный онъ народъ и отраду страстемъ подавааше. Тогда великое сіе свѣтило видѣхомъ, братие, и священныа оны руцѣ нашей коснушась главѣ, купно убо благословляюще, купно жъ и хотящая намъ случатися, духомъ проричяюще: тогда радастнаа бѣша, нынѣ же рыдательная; тогда веселіа органы начинахомъ, нынѣ же плачевныа подвижемъ; тогда бо утѣшаше разлученіе жизни надежда и блага упованіа имѣхомъ видѣти пакы твердаго онаго благочестиа столпа, нынѣ же послѣдніе наше разлученіе изволи, пропасть велика посреди того и насъ утвердися. Овъ убо на Авраамовыхъ упокоевается нѣдрахъ, мы жъ того желаниемъ палими, стражемъ, а устужающего нѣсть; тогда духовнѣ
10. Лавка.
11. Или лучше сказать.
29
ликоствовахомъ, нынѣ умильно о страстехъ воздышемъ; тогда свѣтлое, а нынѣ надгробное, поемъ. О злаа тмы въстокъ свѣтила неуповающей: отыде доброта она, яже паче солнечныхъ зарей, вамъ же и намъ надсладъчяйшаа; братіа бо вамъ есмы отлучшіи; [12] понеже и отець вашь, ижь плачю намъ предлежитъ вина, братъ бѣаше нашему отцю. [13] Сего ради егда веселястеся вы, и мы слышаще, веселію вашему спричящахомся, и плачю вашему подобны есмы сообщницы, понеже и бѣда опща: молчитъ гласъ сладкій онъ, и да сице реку небесный; оттуда бо имяше ежь вѣщати, и паче вина сердца веселящіи, затворишась устны, тихо убо движимые, обильно же благодать испущающаа; гдѣ око небесное зрящеее, же тому дарова Богъ, въ пустыни еще сущу? [14] гдѣ ухо божественаго гласа послущающа? гдѣ языкъ онъ истинный, а еретикомъ страшный? гдѣ сладкая очима тишина, гдѣ устнамъ свѣтлое осклабленіе, благословениемъ являемое? гдѣ десница многблагословляемаа, гдѣ свѣтлое оно ядрило духа, корабль вашего жительства сътворяющее, тихо преплавати житійскаа волны? гдѣ извѣстное душамъ кормило, имъ же возмущенна языческая безстрастно прехождаясте? гдѣ непреложное разума утвержение, имже всякъ страхъ отгоняасте? гдѣ добрый кормчій, иже вашего ума корабль къ небесемъ направляааше? О лютаго истомленіа, тому напрасно отъ насъ отбѣгшу! Слышахъ Іеремѣины гласы нѣкыа, сѣтованы, жалостны, ими жъ опустѣвъши Іерусалимъ рыдааше, со многыми иными сіе препѣвающъ: «Пути Сионова плачются.» Сіа убо тогда рѣшась, нынѣ жъ исполнишася. Егда бо возвѣстися блаженное оно преставленіе, не вси ли Московстіи путие восплакашась? [15] не вмѣсто ли гуслей и цѣвницъ всѣхъ равно сѣтование обіать? не и саміи ли младенцы, страсте во искусѣ бывъше, подобно рождешимъ, честное убо тому и желаемое исхожденія, намъ же горькое, рыданьми достойными почтоша? Вѣнъ и другую Еремѣинѣ подобну пѣснь, нашей страсти ключиму, яже (Давидъ) о плененіи Израилевѣ сотвори; рече бо:
12. Кѵпріанъ былъ родной дядя по матери Григорію Цамблаку.
13. Найлучшій.
14. Кѵпріанъ жилъ довольно на Аѳонѣ, гдѣ и узналъ и оцѣнилъ его по достоинству Константинопольскій Патріархъ Филоѳей, бывшій Игуменомъ Лавры Св. Аѳанасія.
15. Кипріанъ посѣтилъ Терновъ въ 1379 году, а скончался въ Сентябрѣ 1406.
30
«На рѣци Вавилонстій, и ту сѣдохомъ и плакахомъ, помянувъше Сиона; на вербѣхъ, посредѣ ея, обѣсихомъ органы наша,» мое творя жалостное сие пѣние: и на мнѣ бо събысться, яко жь и на онѣхъ, идущи ми къ вамъ, яко же и доспѣвъ рѣки, и тамо рѣка убо Геонъ бѣаше, идѣже плененіи они, себе жъ и органы молчанію осудиша, рѣка жъ Немонъ [16] бяше протичющіа Литвы, на ней жь горкому намъ стрѣтшю возвѣщению, ни жъ плакати можахомъ, ни жъ телесны органы ко естественному движимыи имѣти, но изумлени быхомъ о ненадѣжнемъ гласѣ, и зрящимъ токмо мечтающеся живи, душа въ насъ дръжима пленицами неизбѣжными отъ создавъшаго, животнѣй же силѣ уже отъ насъ съпрятавъшиася. Исполнижеся и ино на насъ, еже о тѣхъ же людехъ речеся: «Возвратихся на страсть, егда унъзе ми тернъ.» И тамо убо, егда прилучаашеся единому въ ногу въпасти терну, прекланяющеся падааху, подобно страждущему и прочіи, зане жъ въ единове ризѣ водимомъ быти тысущамъ, здѣ же не единому и стомъ, или тысущій, но всѣмъ купно сердца стрѣла печали уязви, яже зависть пусти на насъ, добротѣ нашей позавидѣвъ, и насъ, брачныа совлекъ одежди, во вретище облече и отъ чертога изведе, на распутіи остави, отъ злыхъ отъятся отъ насъ добрый женихъ, и абие насъ обіятъ сѣтованиа сиротство; въ перѳиру и виссонъ нѣкогда облачахомося, нынѣ же нищи являемся, и почто; [17] тѣмъ же и хотѣлъ быхъ, аще и васъ (нѣсть) близъ спомогающихъ ми взыти на величество бѣдві и нѣкій гласъ въздвигнути, чести достоинъ, велегласно, яже о отци бѣду обрвідываа, яко жь сътвориша доблественіи они сынове Патріарха Іакова; но что постражду? како языкъ понужду къ служенію слову, яко же нѣкими тяжкыми оковами, бѣдою окованный? како отверзу уста, безгласиемъ содержимаа? како ли воззрю душевныма очима, тмою бѣды покровенъ? Кто ми, разрѣшивъ мрачный и глубокій сей облакъ утра, паки отъ ясноты свѣтлу покажетъ смиренія зарю? Како жъ и восіяетъ заря, свѣтилу нашему зашедшу? Да речемъ что і отъ Ивовлѣхъ глаголъ, и сами страждуще, их же онъ къ другомъ глаголаше болѣзненною душею: «Кто поставитъ насъ на лѣта дній первыхъ, въ них же храняаше ны Господь, егда сіаше свѣтильникъ его надъ главою нашею?»
16. Нѣманъ.
17. Вѣроятно, надобно читать «постни».
31
Угаси зависть дунувши црковьную лампаду, и дыма и тмы сію исполни, яже убо надъ главою нашею стояше, вселеннѣй же свѣтлою всей, по Господню гласу: «Да восіяетъ свѣтъ вашъ предъ человѣки!» Оскудѣ источникъ, языкъ, глаголю, святаго, и древеса, яжъ при исходищихъ того, иже есте вы, показуете дряхло листвие; отълѣте славій церковный, сладко поай божественаа во уши ваши, и ради сего уныли есте; велика насъ окружившіа бѣда, понеже і великъ сосудъ Божіихъ даровъ ненадежно отъ среды насъ взять бысть; въ немъ бѣаше любовь нелицемѣрна, яже закону и пророкомъ глава, благодать во устну излианна, смиренномудріа крайній предѣлъ, Авраамово страннопріимство или паче богопріимство, цѣломудрие Іосифово, Моѵсеова благодать, и своеплеменикомъ милованіе, Іово терпѣние; вѣсте бо, возлюбленніи, колико бѣды подъятъ, иже и каменное умягчило бы ся естество, вся сладцѣ претерпѣ, да васъ не разлучится; Аароново священнолѣпіе, Самоилова твердость, Давидова кротость, Соломонова премудрость, Иліина ревность, Данилово разсужденіе, не въ соновахъ, яко же онъ въ Халдѣохъ, но в духовахъ; видѣаше бо добрѣ премудрый всякъ духъ истинный, исповѣдающій Господа Іисуса Христа, по плоти пришедша, и духъ льстечь; по высокому Іоанну пустынно бѣ воспитаніе, и пустыньства лѣташе крылы сѣмо и онамо, духомъ наставляемъ до явленіа, его еже къ новому Іилю вамъ, имъ же и надобенъ бяше, ему же и достойни бѣсте: «Таковъ бо намъ подобаше Архиерей,» иже во всемъ духовнѣ, возвесели васъ, осѣни васъ своихъ молитвъ крылома отъ нашедшія многажды бѣды, яко же птенца орелъ съ нѣдромъ приемъ; единѣмъ токмо оскорби васъ, и наша силы съ собою погребе, еже изъ тѣла исъшествіемъ; а понеже Богъ повелѣ, кто спротивъ глаголяй? И конецъ убо плачевнымъ сіе да будетъ: «Аще забуду тебе, Іерусалиме, забвена буди десница моя!» Вы жь утѣшитеся прочее, молящу ми васъ, и вопль рыданиа оставите: кто бо и утѣшитъ страждущихъ, аще не ижъ, подобно вамъ, страждай? Не взятся отець отъ насъ, но посредь насъ стоитъ, больше нынѣ назираетъ насъ, нынѣ яснѣйши молится о насъ. И почто не зримъ есть нашима очима? Понеже во внутреняя завѣсы вниде святитель, въ незаходимая достиже, оставль плоти завѣсу, идѣже Іисусъ, предотечя о насъ, вниде, нектому въ зерцалохъ и гаданіихъ и вещей оброзахъ, но лицемъ
32
къ лицю бесѣдуетъ Богови, его жъ отъ юности возлюби, его же ради тому распятся і онъ мирови, иже о васъ толико трудися съпротивяся (скоръбнаа съ вами раздѣляемъ, и нынѣ купно плачемся разлученіа учителева), [18] бодръствуа, да не кого отъ васъ отторгнетъ сатана. Толико бо возлюби васъ, яко же Павелъ вселенную, съ нимъ же и глаголаше: «Кто изнемогаетъ, и азъ не изнемогаю; кто соблажняется, и азъ не раждизаюся;» другій вамъ Павелъ явлъся, и больше всѣхъ трудися, иже прежде его въ васъ бывшихъ, подвигъ добрый подвизася, теченіе сконча, вѣру соблюде, тѣм же предлежи тому праведный вѣнецъ, его же воздастъ ему въ онъ день судія, егда и васъ всѣхъ тако возлюбленнихъ, отеческий же и пастырьскый, окрестъ себе соберетъ, сіяющихъ свѣтомъ неизглаголаннымъ, и радостный онъ и блаженный испуститъ гласъ: «Се азъ и дѣти, яже дастъ Богъ,» ему же слава і безконечные вѣкы. Аминъ.
Написахъ Кѵпріану: О Кипріане, по истиннѣ свѣтило Россійской земли. Григоріе Цамблакъ, писавый слово сіе надгробное, бывый Митрополитъ Кіеву и всеа дръжавы Литовскыа. [19]
Сообщ. Архимандритъ Леонидъ
Новый Іерусалимъ. Генварь 1870 года.
18. По смыслу рѣчи, это очевидная вставка, попавшая, по ошибкѣ писца, ве въ свое мѣсто, по чему мы и закдючилн ее въ скобки.
19. Слово это списано съ рукописи Московской Синод. Библіотеки, скорописью XVI столѣтія, на 390 л., № 384, нынѣ 235, въ 4 д., въ корешкѣ. Сочинитель скончался въ 1419 году. Объ отношеніи его къ Кипріяну и Евѳмиію см. наслѣдованіе наше: «Кипріянъ до восшествія на Московскую Митрополію" во 2-й книгѣ «Чтеній въ Импер. Обществѣ Ист. и Древн. Росс." 1867 г., Отд. I, стр. 11—32.
